記憶「體」:99年慈善盾冠軍阿仙奴

首先體嘢仝人慶賀 #阿仙奴 得到今季第一個錦標先。小編我摷下啲舊相,竟然搵到一張阿仙奴拎到第十個社區盾——咳咳,果陣叫慈善盾(Charity Shield)冠軍舊照。

果屆曼聯雖然挾三冠王餘威決戰兵工廠,而且柏金同施文亦告缺陣,但無礙他們後上奪標。約基在上半場36分鐘為曼聯先開紀錄,但簡奴和柏奴亞分別在下半場67及78分鐘入球,為阿仙奴奠定勝利。呢場比賽對於當時阿仙奴嘅另一番意義,就係簡奴用入球證明自己有能力代替安歷卡離隊後嘅空缺——話說比賽之後有記者訪問雲加,佢就話安歷卡會轉投皇馬。

波衫心口仲掛住Dreamcast字樣(Dreamcast係咩嚟?咪Sega出果隻遊戲機囉),加埋呢條老人防線,真係屬於90年代阿迷嘅寶貴記憶。

Comments

comments