從Perišić起飛故事看克羅地亞兩股青訓力量的博弈| Hrvatska Povezan 在線克羅地亞

(作者按:呢篇文其實寫遲咗八年 ,應該當年用嚟屌柒足球周刊個德國足球專家張力就要寫好 ,不過最終無動力去寫。點解而家又會想寫,咪就係要多鳩謝《在線克羅地亞》呢十零廿個肯睇我鳩Up 嘅支持者囉。無你地呢幾隻小貓,我唔會有動力去寫 ,Fala svima tko navijači za Hrvatska Povezanom !)

Ivan Perišić 真正為人所知應該係佢由布魯日轉會去多蒙特果期?佢打後嘅故事應該好多人隨時熟過我,咁我唔講啦,我份人專做戇鳩嘢嘅,我只講Perišić成名之前的故事 ,即係由佢係達瑪達亞地區接受足球恩師教導嘅故事開始,之後與夏德嘅恩恩怨怨,從而帶出夏德青訓系統與薩格勒布戴拿模青訓系統在本質上理念嘅不同。再牽連到因這些不同所帶來嘅南北矛盾,我主要會講呢d 無人想知嘅戇鳩嘢 (華文圈子無人講就正常,有人想知嘅英文圈子一早有人講咗啦,點知都係無 …)。明係要做笨柒,咁點?

Perišić崛起的地緣背景

Perišić 係出身於Omiš嘅純正達瑪堤亞(Dalmatia)人,天份過人嘅佢好快就加入咗夏德嘅青訓系統 。好多達瑪堤亞人如果有機會加入夏德青訓系統都會覺得好自豪,好憧憬,並默默努力去做 隻乖乖狗,等待機會在夏德發光發熱,成為夏德之心,照亮克羅地亞足球,繼而跨入歐洲足球圈子,名成利就 。不過,天生異稟嘅Perišić並唔一樣 ,係進入夏德青訓體系無幾耐,佢發現咗呢個系統嘅問題 。點解佢會咁特別 ?

一來當然係因為佢好波,桀驁不馴嘅天材從來都係上天創造來挑戰僵化制度嘅終極武器 ,對於世人默守成規嘅遊戲規則 ,對於庸才賴以為生嘅各種被賦予嘅「主體意識 」(型少少我會用「拉各斯」Logos呢個詞去屈鳩佢),天材係不屑一顧話鳩知你嘅。世人總是寄生在其他人所給予的框架下苟且偷生 ,而奇材就係拉各斯嘅製造者 !我們用自己主觀的「傾斜的吊燈」來審視世人,仍然能(方能)活出自我 ,Perišić就係咁嘅人,對夏德青訓制度嘅不滿注定佢要行一條崎嶇不平嘅路 。不過唔緊要 ,平坦嘅路點解平坦?係因為好撚多人行啫,既然咁多人行過嘅呢條路 ,終點嘅風光自然鳩之孖碌乜撚別柒頭撚屌全部都睇過 ,又有咩值得珍惜呢 ?相反,條路崎嶇嘅即係證明少人行,少人行嘅路即係終點嘅風景無咩人見過 ,我讀得書少,好似耶蘇講過有句嘢叫咩撚嘢 「無限走光在險峰 」,堆不堆?

第二個原因令Perišić 不能安居於夏德青訓系統係客觀因素,就係經濟問題。哪有錢呀你老母!Perišić 果個無出色嘅老豆話 。佢老豆本身係家鄉養雞養鴨嘅,仲有係橋底開間檔口炒下臭蟹咁樣,點知早幾年有班柒頭撚屌搞佔領橋底,就搞到執笠破產都唔撚掂。一日都係佔中衰…(誤)唔好理啦屌,總之Perišić家庭嘅經濟狀況就好撚包皮嘅,而夏德嘅青訓系統同戴拿模唔同,夏德青訓系統好強調「地緣、資歷」嘅,所以賣一個人嘅時間往往比較長,呢點亦係與戴拿模青訓系有所不同嘅地方。亦係點解達瑪堤亞人成日要反足總嘅其中一個原因。

頭先講咗,夏德嘅青訓體系著重「地緣,資歷」——地緣係指夏德通常收嘅𡃁仔都係來自達瑪堤亞區嘅 (有少少似畢爾包果種巴斯克人理念,我純粹舉個例,除咗克羅地亞我乜都唔識嘅,唔好屌柒我,因為我一定會屌撚番你),因為夏德相信相近嘅生活環境,理念,人文關係係球場上係有幫助嘅 ,所以你可以見到入得夏德青訓嘅多數同達瑪地區會有密切嘅關係。Subašić ,Tomasov係薩達人,Ante Rukavina係Šibenik人,以前嘅Rapaić 係Trogir 人,仲有一大堆Split 人。要舉例舉到歐洲杯踢完都未撚掂。

夏德另外一個青訓理念就係「資歷」。無錯,夏德係無錢,但一般唔急於賣太過青頭嘅青頭仔 ,因為咁樣未必對後生仔好,亦不利於建立球隊文化。係,球隊文化又係戇鳩嘢,食唔飽嘅,不過夏德又係好撚多時固執埋呢d 唔值錢嘅戇鳩嘢……一般𡃁仔入到夏德青訓打分齡賽果d ,就算有人出好價夏德都好少賣,反而好多青頭仔因為等唔切自己走,例如呢篇文嘅主角Perišić ,又例如今年剛剛走去踢西乙嘅Elvir Maloku……夏德係通常希望球員係一個完整嘅青訓體系入面成長。由預備隊再上一隊,其後做埋夏德之心(Hajduk Srce),跟住賣走。例如Maloča、Andrijašević、Jozinović,以前嘅Slaven Bilić、Bokšić都係咁。咁問題就嚟,當個世界越來越急功近利,當足球越來越商業化,呢種青訓作風慢慢變成對球隊嘅一種傷害,至少,死敵戴拿模嘅青訓系統似乎更為世俗化,更為易入口……

克羅地亞截然不同的青訓系統

戴拿模嘅青訓體系多數行即食制,因為薩格勒布市經濟發達,來自克羅地亞四方八面嘅人都會到薩格勒布找機會。所以地緣因素對大城市來講從來不是重要嘅考慮角度。Boban、Ladić 、Modrić 、Lovren 、Vida都唔係土生土長嘅薩格勒布人。唔舉太多喇,又講到 2046 ……相對夏德所講嘅重視梯隊,資歷,戴拿模嘅賣人模式傾向於「半成品加工模式」:即係從其他球會買入已甚有所成嘅後生仔,再加上戴拿模嘅Q嘜認證,加多個克甲冠軍,加多幾場歐聯上陣標籤,最後比埋克羅地亞國家隊cap 帽。搞掂,賣得 !(你可以話戴拿模聯賽 11連霸都係實力嘅保證啦,就咁講到好輕鬆好似對戴拿模唔公平,咁呢個就涉及戴拿模同其他友好球會,同球證總會嘅關係問題,今日我唔想講呢樣住,太長喇又寫萬鳩幾字 ,冇人想知先再講啦)你睇Marko Rog 、Pjaca都行緊呢條路,以前Lovren 、Sammir……大把例子照舊唔講咁多喇 。

以上兩大段就係屌柒張力你呢個仆街陷家產嘅,你係德國足球專家無問題,但點撚解要扮勁去講克羅地亞足球呢?仲要講到克羅地亞青訓係戴拿模一枝獨秀,背後嘅嘢你識條春?你可以話戴拿模嘅青訓係好有效率,但你絕唔能夠無視夏德青訓。其實我覺得夏德青訓仲健康,對球員係百利而無一害,只不過係現代呢個物慾主義橫流,以經濟價值為唯一價值嘅畸型社會下,有少少脫節同過時啫,但咁唔係更顯得佢可貴咩 ?當然,張力你條陷家產篇嘢都係翻譯德文嘢來呃稿費啫柒頭,但市面上克羅地亞嘅中英文資訊都咁難搵,你作為足球周刊一本咁有影響力嘅雜誌嘅寫手,有良心寫好少少得唔撚柒得?一係你唔識嘅就唔好亂譯德文嘢嚟誤導人啦…簡單嚟講即係你唔懂嘅嘢咪做下七小福個細佬:柒少陣唔好寫囉屌你老母!我鳩一碌柒一碌無人無物搞《在線克羅地亞》,鳩噏就梗,認真製作就大新聞 ;你個仆街張力收人錢寫嘢又同咁多足球巨擘合作,原來都係咁撚樣欺世盗名搵笨柒 。追屌咗你八年我今日都仲咁好火,就係為咗大嗌一句 :

「我要斬死丁力個仆街 !」(打錯,應該是「張叻」)

入正題(屌你老母而家先入正題……),Perišić 就係係咁嘅背景下決意離開夏德嘅 ,咁佢當年一個十幾歲嘅青頭仔,仲要係咁有天份嘅未來球星。想走未走到嘅把口就一定唔撚收架喇,於是在講出咗一d 好撚臭串,得罪曬夏德人嘅說話 :「我唔會幫夏德踢波,一日都唔會,踢一場克甲都足以毀掉我嘅足球生涯」真係型撚到……咁事實無錯嘅,克甲都比Mamić搞到鬼五馬六,有自信到佢咁嘅真係踢一場都嫌多 !事實係Perišić之後所得到嘅每一個成就,都係係度嘲笑緊夏德嘅青訓體系同政策,我地夏德人唔會唔認嘅 ,反而仲會不停反省 ,當然,反省完都係柒就嘅 。喂,咁你天才球員Perišić可以鄙視世俗,唔通夏德呢間神級球會唔可以同樣無視你Perišić呢個天材咩 !講咁多托柒咩,第日搵夠錢臨退休番夏德踢一季做番次「夏德之心」先退休啦屌屌你……

Ivan仔,其實我地torcida永遠愛你……打到呢度我喊咗,平伏下情緒先再寫。其實係淨番Ivan仔去索察孤身走我路之前嘅少少嘢未講啫,遲下冇機會嘅冇人想知再講埋佢。你知道《在線克羅地亞》d 文全部都係理性客觀,剛柔並重嘅大製作,絕對係唔會比個濕鳩作者之嘅情緒影響文章內容質素嘅屌你老母。我地不嬲製作係極之嚴撚謹嘅,你知架,係咪?


[1] 達瑪堤亞( Dalmatia )分離主義:克羅地亞係由五個古已有之嘅地區組成——薩格勒布城區(City of Zagreb,中北部)、史斯禾尼亞(Slavonia,東部)、伊斯特利亞(Istra ,西部)、達瑪堤亞( Dalmatia ,中南部)、及杜布禾尼克(Dubrovnik,南部)。達瑪堤亞分離主義就係主張 將達瑪堤亞地區包括嘅城市:Split、Trogir、Šibenik、Zadar等 全數分裂出來成為一個新嘅國家 :達瑪堤亞公國 。不過基於地元考慮加上近年時局嘅發展 ,杜布禾尼克可以考慮劃入埋達瑪堤亞地區嘅(大達瑪堤亞主義),強調呢個未有定案,主張由當地人自決。分離主義好似好恐怖,不過達瑪堤亞分離主義唔同,基於我地對克羅地亞仍有充足信任同熱愛,加上歷史因素,克羅地亞係唔會對達瑪堤亞嘅獨立運動作出太大阻撓。所以暫時嘅短期目標亦係好Mild :將克羅地亞正名為克羅地亞達瑪堤亞共和國 就得。當然我地唔反對斯拉禾尼亞,伊斯特利亞同杜布禾尼亞地區可能亦會出現同樣訴求,咁到時國名可能要再改唔定。達瑪堤亞獨立後一定會同克羅地亞保持友好關係,達瑪堤亞公國仍將以旅遊業,海洋生態城市運作。人民可以係立國後自由選擇國藉,但選擇後不得轉藉,新生嬰兒除外。與克羅地亞互相補足。

Comments

comments