拉蘭拿:都是我的錯? | 工三一八

對於有人覺得拉蘭拿需要為第一個失球付上最大負任,同我個人既睇法係完全相反嘅!

先奉上兩張Cap圖,有興趣可以自行從Youtube重溫成個過程。

Pic1
(圖1)


(圖2)

摩蘭奴成功搶截之後,古天奴分向中場偏右既拉蘭拿,當時拉蘭拿視線一直注視古天奴,留意並準備接應,而右路佳尼則要顧慮後防線尚有兩名阿記球員未後撤而未有起動overlap插前去右路空位。同時,當中路回傳同左路轉邊受對手人數所限制,位處較前位置的文尼亦迅速「前插」。從重播片段可見,拉蘭拿亦有留意到文尼的「前插」,準備轉身後就即刻「塞」過去(從慢鏡可見,遭高基連拍甩之前已經有起腳動作)。曕前顧後,傳球選擇本來已經唔多,拉蘭拿轉身屬無可厚非,怪就只怪高基連技高一籌,早已洞悉球場佈局,同時巧合地俾伊禾比執到個波。

反觀摩蘭奴,由加盟至今失位頻頻(今場開波早段,更有一次失誤,頭鎚解圍變二傳,差啲釀成大錯,可幸是佢自己及時趕至將個波剷出界),重溫慢鏡其實禾確特一路都處於佢應該負責嘅左路位置,當藍斯同山齊士一齊起動前插中路嘅時候就拉走左原本留意緊禾確特嘅卡拉雲,直接令禾神童輕輕舉手就接到一個單刀機會。

毫無疑問,摩蘭奴一向予人速度飛快的印象,但同時令我印象深刻嘅係上屆歐霸盃八強面對多蒙特時,當萊斯中路推進而奧巴美揚高速突入佢負責嘅左路區域時候,佢只係慢跑回防,並沒有全速緊纏對手。

幸好當日紅軍上上下下將士用命,令摩蘭奴不致於成為各黨各派聲討嘅輸波罪人。

或者,摩蘭奴身體質素合格有餘,但閱讀球賽嘅經驗仍然要慢慢累積,同時應向前輩及隊友佳尼多多學習。

Comments

comments