FIFA 17 前曕 4 | 蔣美葉

今日正式推出 FIFA 17!……demo 版。

今集一如往常,主要都係先放幾隊出嚟,等你班機迷稍稍撲熄一下燃燒已久的「機情慾火」。

今集試玩版,一共有十二支球隊任君試用,皇、巴、PSG、雙曼等大支嘢今集紛紛「上榜」。除咗主流大牌,亦有幾隊非歐洲主流球隊可供試用,對港人而言,墨超的 UANL 和美職的西雅圖海灣者可能比較陌生,要說出陣內兩位球員的名字或許也見吃力,但 UANL 和西雅圖海灣者以外,還有今集新登陸 FIFA 的日職代表 ——大阪臭腳…呀唔係,係大阪飛腳!

我諗,我估,我覺得,大阪飛腳對香港人而這並不陌生,甚至可能較同樣有份打入 demo 版的法甲的里昂、意甲的國米更為熟悉。畢竟日職大部份的直播時段能夠避開所有歐洲足球直播時段,而且大多屬香港週末週日的「都市閒情」時間;再加上香港賽馬會的鼎力「支持和推廣」日職足球,大阪飛腳在港知名度較如今的里昂、國米高,實不足為奇。

講返大阪飛腳,老老實實,要我說出數名現役球員並不困難,例如我細細個已經聽過的遠藤保仁和巴西射手艾迪美臣(要不是轉投奧格斯堡,就可以用上宇佐美貴史……)。

其實,我又想講,打機從來都係另一個去認識更多球員的渠道,所以,識唔識,又有乜所謂?用用下自然識架啦!

Comments

comments