摸底‧波衫真係無得做? | Open Box 開箱

一早瞓醒就見到成地花生,仲要講緊上集提及嘅波衫!事缘昨夜波衫界行尊Futbol Trend於社交平台貼文一事,講及波衫營銷,今次本Box又同大家睇睇香港賣波衫係咩玩法?

波衫零售已是夕陽行業


波衫喺香港嘅零售可以數起幾間較知名嘅波衫舖,好似係:興發、No.7、Kitroom、自由球、352等老牌波衫舖,但到咗2017年,有邊間企得返係旺角大街地舖?!曾經喺旺角屹立多時嘅興發已摺、進駐過沙田嘅No.7而家都撤出咗、Kitroom之前都搬完舖,試問一下作為球迷嘅你哋又有幾耐呢D舖頭買嘢呢?何解?

妖?乜款都無架?唔齊碼!有冇杜塞爾多夫?我想印里昂Jimmy Briand!畢竟香港呢個營商環境,款式數量Size都入得唔多,運費又貴代理又要計埋你MOQ (Minimum Order Quantity),基本上一D冷門球衣都唔會喺香港集團式店舖出現,如果有嘅都有機會係喺外國直送!另外,近年太多外國網站都搞FREE Shipping款又多Size又齊,同香港比價錢甚至更平,當然去外國網站鳩嗚一下啦!反觀部份大球隊嘅波衫就大量團積,清到下世紀都清唔晒!


再者,近年淘寶貨大行其道,價錢圍返開都係HKD85-100/件,手工精細得嚟最近連落場版都有埋,你話死唔死?(Box按:有親自試著,洗多幾次會發臭,另外部份波衫都係喺較落後國家生產,樣辦有機會畀不良商人轉售圖利所以像真度極極極高)

那Futbol Trend呢?


本文主角嘅Futbol Trend更加由朗豪坊大舖位搬去MOKO (新世紀廣場),朗豪坊舖被太古集團租咗(基本上成層都係太古集團: UnderArmour | 馬拉松 | GigaSports 等… 即使掛緊a字頭或n字頭都有機會係太古集團),而MOKO舖位是前身允記的N Sports,正所謂:大舖搬細舖,一定唔夠數!

Futbol Trend同Sports Corner同一集團(同集團旗下仲有D-MOP),當然都會幫唔少A字頭或N字頭品牌開專門店啦,齋講Futbol Trend同Sports Corner分店就有約30間,大部份都係商場舖,仲曾經喺老銅時代廣場開過舖添!老老竇竇佢哋嘅波衫Range比起其他連鎖店一定會多,店內都較整齊裝修都靚仔,但無奈喺呢個生態系統下估計都將會被時代淘汰….

講返單野,衝出嚟__嘅背後?


昨夜派到一地花生之下即刻同消息人士了解一番,Futbol Trend近年都都有D萎縮,2016 第三季起都已經有人事變動,Marketing人員配置有所調整 (消息人士指出成條Team縮細咗添)!上圖嘅崗位更係喺2月左右先至請到人,畢竟要喺香港搵個熟運動同零售嘅專才都真係同入佢中門一樣!

關於個Post,無款無Size本Box尚且不提,之但係佢哋Marketing人喺出Post嘅背後離地力就真係令人驚嘆,忘記咗零售業人才亦係少之又少,基本上有手有腳都會請,所以錯Size印錯字變Kagawas等都不足為奇,然而喺出Post後強調「前人」淡化事情又係唔係合適嘅做法呢?

最後Box按:做又要提「救小明」,又想抽水?
本Box今次就拎正牌抽下水先:

改 • 余春嬌打救張志明

剝開花生於五月暑天
那暑天 從這嬲嬲豬取溫暖
facebook抽水中會冒出煙
結果我 遇上忽波青說改變

前人唔多識㗎 印到變Kagawas
即使堅印錯 好真心㗎我

忽波青波衫懶係精
字甩咗佢懶係真誠
波衫變型 扮唔知情

Open Box 開箱
#80後 #足球粉絲 #專門研究運動嘢 #乜都試一餐 #本Box都係媽劇停人 #鳴謝相關業界朋友提供資料

Comments

comments