球壇新星 閃耀登場|球員 ‧ 故事

尋日 #世青盃 就會喺南韓開波,如果大家好似 #雲加 咁鍾意睇後生仔踢波嘅就唔好錯過,而家先同大家睇吓有乜焦點新星!

#英格蘭:效力車路士嘅 #蘇蘭基 被認為喺英格蘭嘅前線希望,今季雖然未有喺一隊上陣,但之前外借荷甲 #維迪斯 時已經喺球隊必然正選。代表過英格蘭各支青年梯隊嘅佢攻入超過24個入球,亦帶領過英格蘭U17拎過歐洲少年錦標賽冠軍,絕對喺今次嘅神射手大熱門!

#日本:只係得15歲嘅 #久保建英 已經可以代表U20出戰世青盃,佢仲喺今屆比賽第二細嘅球員。不過呢位小將早前已經喺 #日聯盃 上陣,踢職業賽事嘅經驗可能已經多過唔少對手,綽號「日本美斯」嘅佢絕對值得大家去留意!

#南韓:日本有美斯,佢哋嘅宿敵南韓都有。效力緊巴塞B隊嘅 #李昇祐 就係「南韓美斯」。李昇祐曾經同 #久保健英 做過隊友,不過佢就無返到自己國家發展,繼續留係西班牙等待機會。19歲嘅佢喺南韓小國腳嘅攻擊主力,相比起久保健英佢嘅出場機會應該更加多!

#美國:德國出生嘅 #施拿林 曾經喺德國小國腳,不過喺美國成長嘅佢最尾變節改為效力美國。2013年佢被 #雲加 賞識加盟 #阿仙奴 青訓,仲即刻喺盃賽有上陣機會。外借幾季後今年佢終於重返一隊,亦係聯賽盃有2次上陣,相信佢會係今次美國嘅中場大將。

#法國:講起法國,大家應該會留意 #巴黎聖日耳門 嘅前鋒 #奧古斯甸。其實佢哋另一位前鋒 #馬古斯杜林 都好值得留意,因為佢就係法國1998年世界盃冠軍功臣 #杜林 嘅仔仔。「名將之後」嘅佢無好似爸爸咁以後衛身份上陣,反而成為前鋒為球隊爭取入球。踢緊法乙 #索察 嘅佢今季都有唔少上陣機會,就睇下佢可唔可以同奧古斯甸一齊合作攻破對手大門啦!

#意大利:#文達高拉 雖然只係得19歲,但早喺2014年已經有意甲上陣經驗,之後亦幫過 #佩斯卡拉 升班,而家就踢緊班霸 #祖雲達斯。今季佢上陣機會唔多,不過佢就一直都係意大利小國腳嘅主力,相信嚟緊都會喺球隊嘅世青盃重心球員!

Comments

comments