十位或會在今夏離開史丹福橋的藍戰士| 藍獅

本賽季完滿結束,雖然美中不足未擊敗阿仙奴成為雙冠王,但車路士再次重奪英超冠軍可算是超額完成,休息過後各隊領隊亦要為下個賽季做準備。而干地經過一季適應,亦要為重返歐聯既車路士作重新組班,仍有不少問題需要著手處理,而言引入新球員亦係方法之一,有入自然有出,奪冠班底中有球員選擇離開,同時亦有年青球員需要繼續外借吸收經驗,以下十位球員在相比之下最大機會離開。(註:比高域已經離隊)

註:排名不分先後

1.比高域 (龍門 / 永久轉會)

https://i2.wp.com/static.standard.co.uk/s3fs-public/thumbnails/image/2017/01/20/11/asmirbegovic2001.jpg?resize=694%2C462&ssl=1

季中轉會窗一度傳聞收到來自般尼芧夫報價既比高域,相信係哩十位入面最可惜既一位,球員正直當打之年,但自施治離開後加盟,一直都只能成為古圖爾斯既後備門將,在本土盃賽上陣,而言獲得正選機會時絕對交足貨,表現獲得車路士球迷肯定。比高域同時為波斯尼亞國腳,以球員質素絕對有力在英超中上游球隊打穩正選,隨著第三門將伊度亞度續約亦未收到有關比高域既續約消息,球員離開只係時間問題。相信般尼芧夫會再次出手,衷心感激比高域在藍橋哩兩年既付出,祝願佢既職業生涯可以繼續穩定發展。

2.雷米(前鋒 / 永久轉會)

https://i.holmesdale.net/image.php?p=news/3731.jpg&w=638

相信不少球迷已經唔記得左佢係車路士既借將,又或者以為佢已經轉會離開左車路士。回想前年摩二期奪冠那年,雷米為車路士搶左唔少關鍵分數,可惜經歷上季球隊整體下滑後同時打唔出最好狀態。今季在干地上任後選擇收購巴舒亞伊外借雷米,顯然後者似乎不在干地既計劃當中,而且球員已經三十出頭並非年輕之齡。外借轉會到水晶宮後不但未能重拾高峰時期,更長期受到傷患困擾,今季只能為水晶宮上陣5場而0入球,相信來季亦不會重回藍橋,轉會到英超中下游升班馬或回歸法甲相信會係最好選擇,希望雷米來季能夠擺脫傷患再重現惜日風彩。

3.堅尼地 (左攻擊中場 左翼衛 / 永久 或 外借轉會)

https://i1.wp.com/pbs.twimg.com/media/C3gWY3qWMAULHLh.jpg?resize=694%2C433&ssl=1

上季獲得不少機會既堅尼地,踢法偏好進攻,不受干地重用亦不感意外,季初被外借到屈福特,只經過兩場後備一場入替過後就受傷患困擾,季中轉會窗被退貨返回車路士繼續養傷。至今只為車路士在各項賽事上陣3場,其中在收咧前主場對陣屈福特既賽事正選登場,明顯干地想在例行公事既賽事上觀察球員場上能力,但不難發現堅尼地無論在企位以至戰術執行力都只係中下水平,深信球員來季亦唔會係馬高斯阿朗素左翼衛既後備理想人選。而言近日亦傳出堅尼地會在季後離開藍橋,是外借還是永久轉會,相信決定權會在干地手中。

4.蘇馬(後衛 / 外借轉會)

https://i2.wp.com/i3.mirror.co.uk/incoming/article9118062.ece/ALTERNATES/s1200/PAY-Chelsea-v-Derby-County-Premier-League-2.jpg?resize=694%2C364

無可否認蘇馬既潛力係無可限量,但自上季受到嚴重傷患過後,一直未能重拾惜日最理想狀態,而且在上陣時明顯地對干地343陣式無所適從,出場位置次序更被艾基後來居上。在狀態以及適應力不足之下,球員外借離開相信會係最好選擇,而且下季基斯甸臣回歸,出場時間及位置競爭將會更加緊張。而言已傳聞收到來自意甲羅馬及國際米蘭提出既報價,但確信車路士只會考慮所有外借申請。蘇馬向來高空位置感不足,不論在傷前或傷後在迎頂高波時都出現漏頂情況。在本身已經能夠適應英超節奏下,相信有更多國家選擇比佢外借重拾狀態,當然最好係一隊本身已經係踢開三後衛既球隊更為理想,對未來回歸車路士更有幫助。

5.美亞斯加(後衛 / 外借轉會)

https://i1.wp.com/cdn.images.dailystar.co.uk/dynamic/58/photos/98000/620x/Matt-Miazga-598406.jpg?resize=694%2C462

美國國腳美亞斯加在上季冬季由紐約紅牛轉投到藍橋,上陣機會唔多,今季在干地上任後被外借到荷甲衛星球會維迪斯,一共為球隊在各項賽事上陣35場,當中更以正選姿態為維迪斯出戰荷蘭盃決賽,最終亦成功奪冠。當然,荷甲與英超不能相題並論,各自聯賽標準亦不一致,球員剛剛二十出頭,相信來季會繼續外借吸收經驗,而據報車路士會安排將美亞斯加來季會外借到較高水平既聯賽發展,會否有英超球隊提出外借還是先到其他國家既聯賽發展,相信好快會有訂案。

6.路夫斯捷克 (邊路攻擊球員 中場中 / 外借轉會)

https://i0.wp.com/cdn.images.express.co.uk/img/dynamic/67/590x/Ruben-Loftus-Cheek-752421.jpg?resize=694%2C411

相信唔少球迷近兩季都開始認識佢,上季在摩連奴手下出任中場,表現尚算理想但被批評少於回防及跑動。今季在干地手中擔當截然不同既角色,被安排成為邊路進攻球員,放膽專注進攻,減少負責既防務工作。可見到干地認為路夫斯捷克有著不一樣既潛能,而言新位置的確發揮出與別不同既表現,誇張地說確實有點夏薩特既影子,可惜球員在奪冠後既例行公事既賽事上因受傷未能上陣。而路夫斯捷克經已向球會申請來季想外借到其它球地方吸收經驗,亦相信不少英超球隊都可以提供位置比哩位英格蘭潛力新星,希望他朝有日能夠回來與夏薩特同場獻技。

7.艾巴咸 (前鋒 / 外借轉會)

https://i2.wp.com/www.telegraph.co.uk/content/dam/football/2017/05/25/TELEMMGLPICT000127982374-large_trans_NvBQzQNjv4Bqj-KRt451YKDZvZhrFqpePtGeRlJfghorhmtYCB3nkJ4.jpeg?resize=694%2C434

艾巴咸可以話係本季英冠最屬目新星之一,今季被外借到布里斯托城,在球隊只屬中游份子下全季亦能交出高達48球入波,而且只有19歲,可見得潛力無可限量。而言表現亦吸引一眾英超球隊既眼光,據聞升班馬紐卡素以及白禮頓都有意外借哩位英冠入球王,在下季同樣有外借到阿積士既泰奧利回歸,相信干地會利用季前熱身賽去觀察球員對於佢個陣法既適應力同效用,再決定佢地來季既定位。而車路士不會輕易放走哩位潛力新星,如果英超其它球隊能提供及確保艾巴咸得到一個正選位置,外借是可行的,但如果只能做後備,就倒不如留在車路士等待機會為更佳。

8.米高赫陀 (後衛 / 永久轉會)

https://i1.wp.com/bilder.bild.de/fotos-skaliert/michael-hector-kam-als-leih-verteidiger-von-chelsea-200118342-47888270/2,w=993,q=high,c=0.bild.jpg?resize=694%2C390

上季臨時臨急加盟既代替品,以為可以即時效力,結果還要繼續外借到英冠雷丁效力。今季季初正式向車路士報到,但熱身賽表現似乎未達到干地既要求,喺未收購到新後衛前已經批準佢外借到德甲既法蘭克福,其後大衛雷斯回歸藍橋。在登陸德甲既第一場,已經獲得一面紅牌,其後一直以穏定既正選代表法蘭克福出賽,更助球隊成功晉身德國盃決賽,可惜最終不敵多蒙特只能屈居亞軍。在車路士來季後防換班底下,相信未必會有米高赫陀既位置,好大機會步相同時期加盟既迪洛保積後塵,成為總監艾文拿路為球隊帶黎既失敗品之一。

9.皮亞松 (邊路攻擊球員 進攻中場 / 永久轉會)

https://i2.wp.com/i2.getwestlondon.co.uk/incoming/article12423121.ece/ALTERNATES/s615/Fulham9.jpg?resize=694%2C461

唔經唔覺皮亞松都已經加盟車路士5個球季,轉眼間已經23歲,回想起當年以「新卡卡」之名黎到藍橋,在多任領隊下都一直得唔到留隊機會,經歷過先後外借到馬拉加、維迪斯、法蘭克福、雷丁後,今季被干地外借到英冠富咸,表現亦中規中距,但回顧過去哩幾年外借生涯似乎有點名大於實,而佢既好友奧斯卡亦已經喺冬季轉會窗離開左車路士。在攻擊位置有更多更好既選擇下,就連路夫斯捷克都需要外借離開,相信皮亞松在藍橋亦不會得到生存位置,為了職業生涯得到轉機,巴西人需要盡快決定去向,總好過一直過著無限外借既「人球」生涯。

10.卡拉斯 (邊路進攻球員後衛 / 永久 或 外借轉會)

https://i0.wp.com/cdn.images.dailystar.co.uk/dynamic/58/photos/51000/620x/Tomas-Kalas-594528.jpg?resize=694%2C462

今季同皮亞松一樣被外借到英冠富咸,同時立即擔任球隊正選中堅。當年一戰利物浦成名成為佢既經典之作,當時不少藍橋球迷都認為卡拉斯會係未來車路士既後防要員之一,但事實卻並非如此,外借生涯表現平平,無論名氣及實力都似乎被後輩基斯甸臣追上。而卡拉斯亦有表明會在季後與車路士商討自身去向,富咸同時表明有意提出正式收購留任佢,為下季挑戰升班英超做好準備。而言始終捷克人都算熟悉英超踢法,希望干地先行回收,讓球員在來季季前熱身賽有機會表現自己,再決定下一步去向。

Comments

comments