淺析魯迪加會取替何人成為正選|藍獅

至今轉會窗都開左大半個月,車路士放走既球員多不勝數,而在收購上暫時只有三名新球員進帳,主要建基於中後場既人腳補充,今集將會講其中一個重點收購,就係由羅馬轉投黎藍橋既德國國腳魯迪加,黎緊究竟邊個既位置會比佢取替,本文為大家細心分析。

https://i1.wp.com/i3.mirror.co.uk/incoming/article10765158.ece/ALTERNATES/s1200/PAY-Chelsea-Unveil-New-Signing-Antonio-Rudiger.jpg?resize=694%2C364

.圖片來源 : Mirror

其實唔計左右翼衛的話,單睇後衛黎講干地已經算係組軍完成,上季擔任三中堅既大衛雷斯、卡希爾同艾斯派古達繼續留任,而隊長泰利不獲續約離開,新星方面有基斯甸臣回歸,連同季中回收番黎既艾基同傷癒復出既蘇馬,考慮到黎緊將會出戰歐聯,最終干地選擇留任有歐戰經驗既基斯甸臣,收到般尼茅夫既報價後將放行艾基,以及將狀態不佳既蘇馬外借到史篤城,再補充同樣有大賽經驗豐富既魯迪加作為新血。雖然為艾基既離開感到可惜,當中未有任何回購條款亦令人憤慨,但放走佢而加錢換入德國人此舉同時值得大家理解。
(註:蘇馬外借到史篤城尚未獲得官方正式宣佈)

https://i1.wp.com/static.sportskeeda.com/wp-content/uploads/2017/03/645605818-ivan-perisic-of-fc-internazionale-milano-gettyimages-1488794934-800.jpg?resize=694%2C487&ssl=1

.圖片來源 : Sportskeeda.com

在於干地既首選邦路斯不想離開意大利發展,而雲迪克亦遭修咸頓索價過高,同屬羅馬既文路拉斯亦只係空穴來風,市場上既用波型中堅(ball-playing centre backs)買少見少,以合計達3,800萬歐元,約相當於3,350萬鎊既轉會費收購得到魯迪加,可以話係一單相當得宜既交易。

先了解一下球員既特質,魯迪加係一名相當具速度同韌力既後衛,除左中堅之外,亦能夠勝任左右兩閘,穿上前副隊長伊雲奴域既2號波衫,令人聯上得到佢會成為新既後場通天老倌,而德國人既助攻力亦不容忽視,魯迪加擁有帶球前插既能力,同時長傳視野亦唔比大衛雷斯差,都能夠將皮球快速傳送到前線。話雖如此,哩位德國洲際國家盃冠軍成亦偶有失位情況出現,暫時都未能成為三中堅入面核心負責指揮既一位,好多時都要其他隊友幫手補位,另外佢都有唔少傷患病歷,而且每次一傷都要休息一段唔短既時間。

https://i2.wp.com/e0.365dm.com/17/06/16-9/20/skysports-antonio-rudiger-germany-chelsea_3990269.jpg?resize=694%2C390

.圖片來源 : Sky Sports

再睇番位置上,唔少球迷都認為魯迪加係會替補艾斯派古達既位置成為右中堅,將西班牙人放回邊路與摩西斯作右翼衛輪換之選。但由於大衛雷斯與卡希爾又大一年,速度上兩者只會愈來愈慢,如果繼續同場合作只會讓對手持續作出速度上既爆破攻勢。所以下季大有機會係五人之間互有輪換,而中間位置繼續以雷斯為核心,或會選用同樣有用波能力既魯迪加作位置上既訓練,而卡希爾、艾斯派古達及基斯甸臣就會各自在左右後衛位置上陣,相信哩個安排較為恰當。當然,一切都仲要睇干地喺季前熱身賽既戰術排陣。

https://i0.wp.com/e2.365dm.com/17/06/16-9/20/skysports-conte-chelsea-premier-league_3979266.jpg?resize=694%2C390

.圖片來源 : Sky Sports

與此同時,希望球會唔好唔記得自己來季仲要出戰歐聯,積極收購番啲合適人選去替代番離開左既球員,否則難保連聯賽前四位置都將會失去。

Comments

comments